【訪問】泛民力阻修規 郭榮鏗:日後更刁鑽

2017-12-4 | 信報財經新聞
A14 | 政情 | 專訪

泛民力阻修規 郭榮鏗:日後更刁鑽

民主派因宣誓風波失去立法會分組點票否決權,在《議事規則》修訂一役由頭到尾處於被動。法律界議員郭榮鏗表示,民主派會盡一切能力阻止建制派的修訂通過,「到今時今日呢一步,我哋係做晒可以做嘅嘢。」他直言,即使建制派成功修訂《議事規則》亦無法處理拉布,「日後拉布只會更刁鑽、更難搞」。

立法會大會周三開始審議《議事規則》修訂,民主派多名議員亦獲批准提出共34項修訂,包括要求容許立法會議員發言可用手語,以及訂明立法會主席須平衡多數人與少數人的權益等。不過,預料立法會主席梁君彥將安排所有修訂合併辯論,估計民主派可爭取的時間有限。

郭榮鏗接受本報專訪表示,不認同拉布的問題是如建制派所說般嚴重。他指出,過去4年政府向立法會提出98條法案,當中93條獲通過;其餘200多條附屬法例,立法會亦全數通過。

「咁嘅數字係好大問題咩?每年《財政預算案》政府都通過得到。咁係反映議會好唔暢順咩?你睇其他周邊民主國家,佢哋有冇咁高通過法案的能力?」

責政府諮詢乏足夠

郭榮鏗表明,議會的問題不在於拉布,而在於政府諮詢是否足夠,以及行政立法關係好壞。他舉例,上屆政府在立法會換屆之前急急提出醫委會條例修訂草案,結果因拉布而胎死腹中。「但今屆政府退後一步,重新做一次諮詢。你睇下幾順?醫生都話支持。再退一萬步講,好多嘢有爭議性都通過啦。好似『一地兩檢』夠唔夠爭議性?(政府提出無約束力動議)咪一樣通過。」

郭榮鏗說,時間對於反對派而言是最重要的武器,因民主派在議會內屬少數,而且權力有限,「如果連阻下佢(政府)都唔得,咁我哋仲可以做啲咩?如果《基本法》23條嚟嘅時候我哋可以做咩?」

他強調,民主派絕非無差別拉布,例如《致謝動議》亦有民主派議員投下贊成票,「如果要立法會好似人大咁所有嘢呯呯聲通過,咁不如取消立法會算啦。」

「講出來就不是奇招」

對於建制派提出多項修訂壓縮拉布空間,郭榮鏗說絕對無法處理拉布問題,「你改得呢樣,人哋會識用另一樣。日後只會更刁鑽、更難搞,只會削弱咗立法會的權力。」

郭榮鏗續稱,民主派因今次事件變得更團結,早在暑假期間已開始準備工夫,「唔係瞓喺度畀佢過」。

他舉例說,民主派10月中發動「突襲」,搶先向立法會大會提交34項《議事規則》修訂;之後在議事規則委員會與建制派激辯,其後亦在內會據理力爭。至於周三會否再有「奇招」?「講出來就唔係奇招了。」

採訪、撰文:畢礎暉

img-Z04130304-0001

Proudly powered by WordPress | Theme: Baskerville 2 by Anders Noren.

Up ↑